Voldag Vrydag met OntLaer (29 Augustus 2025)
Volgeprop met vars denke vir jou Vrydag.
DIE (WOELIGE) WEEK OP ONTLAER OPGESOM:
Daniël Eloff bevraagteken die begrip “post-liberaal” en ageer dat ons eerder in 'n post-progressiewe tysgewrig leef, terwyl Filip Gaspar skryf oor hoe die Duitse demokrasie begin verskuif na 'n stelsel van voorverkiesingskurasie.
Leser Barend Wesseloo rig 'n brief aan die NG Kerk en vra of hul prioriteite reg is gegewe die omstrede kontantskenking aan Gasa, terwyl Bouwe van der Eems skryf oor hoekom tuisonderwys-ouers nie hul net klakkeloos aan die BELA-wet hoef te onderwerp nie.
Frederik van Dyk skryf oor die debat tussen Gert van der Westhuizen en Kallie Kriel wat die Afrikaanse openbare sfeer weer aan die gons het en parlementslid Ian Cameron reageer op 'n skrywe in die Daily Maverick.
Geniet ook ons eerste OntLaer Filmresensie oor die humor en hartseer op die silwerskerm in My F*k Marelize, besin of graffiti werklik die neusoptrek werd is met Hilde Kruger, en beleef die heldedade en roekelose bevel in die Anglo-Boereoorlog soos treffend beskryf deur prof. Fransjohan Pretorius.
Lekker propvol. Lekker lees!
INTERNASIONALE STORIES OM VAN KENNIS TE NEEM
Australië het Iran se ambassadeur in Canberra en drie ander diplomate die land uitgesit op sterkte van “geloofwaardige bewyse” dat misdadigers wat vir Iran werk, verbind is met die 2024-brandbomaanvalle op 'n sinagoge en 'n kosher-restaurant.
Donald Trump het by wyse van 'n uitvoerende bevel die verbranding van die Amerikaanse landsvlag verbied.
Egipte lei Palestyne op om deel te wees van 'n mag van tot 10 000 man wat Gasa moet beveilig sou Hamas verslaan word.
OpenAI word gedagvaar deur die ouers van 'n 16-jarige wat sy eie lewe geneem het, die eisoorsaak synde dat ChatGPT hom daartoe aangemoedig het.
Die Indiese Eerste Minister, Narendra Modi, het glo vier telefoonoproepe van Donald Trump geïgnoreer. 'n Bykomende 25%-heffing is Indië toegedien, wat die totale heffings op 50% te staan bring.
Inhoud van buite, maar binne ons belangstelling:
“Erfgenaam van Babita se risiko kyk steeds heeltyd oor sy skouer” deur Erika de Beer op Netwerk24
“Journalists Against Journalism” op The Free Press
“Afrikaners het reeds ‘om verskoning gevra’ vir apartheid, maar dis nou klaar” deur Martin van Staden op Maroela Media
“Go Long, Young Man” deur Ross Barkan op Political Currents
“Don’t mourn old England” deur Samuel Rubinstein op UnHerd
“We will soon be able to talk with other species. Which will be first?” deur Chris Simms op New Scientist
“Techno-politics is fuelling public anger” deur Jacob Howland op UnHerd
Volg OntLaer Facebook en LinkedIn vir ons jongste artikels, potgooi-gesprekke en redaksiebriewe asook bydraes en insigte van skrywers regoor ons netwerk.
Ons wil graag by jou terugvoer kry.