Voldag Vrydag met OntLaer (1 Augustus 2025)
Klik en kyk, kort en kwiek. Dis OntLaer hierdie week.
DIE WEEK IN DRIE SINNE:
Die week het afgeskop met 'n ope brief deur dr. Dirk Hermann wat menswaardigheid bo balansstate plaas; saam met Phelelani Mkhize se beskrywing van die township-ekonomie en Hilde Kruger se KI-as-hulpmiddel-stuk vorm dit 'n pleidooi dat mense, nie algoritmes of spreivelle nie, die maatstaf bly.
In die week se geskiedenisbrokkie herroep prof. Fransjohan Pretorius die onbekende kryger Hendrik Frederik Prinsloo se moed by Spioenkop, Sara Weiss skryf 'n reaksie oor die “setlaar-koloniale” etikettering van Israel en KZN LUR Martin Meyer bepleit federalisme as teenvoeter vir sentralisering.
Daniël Eloff bevraagteken die verromantisering van jeug, prof. Francois du Toit waarsku dat howe se invalshoeke oor gelykheid private testeervryheid uithol en Louis Boshoff argumenteer dat die Artikel 59-verslag oor mediese fondse se “rassisme”-bevindinge metodologies gebrekkig en polities gerieflik is.
Lekker vol. Lekker lees!
INTERNASIONALE STORIES OM VAN KENNIS TE NEEM
Qatar, Saoedi-Arabië en Egipte het Hamas gevra om te ontbind en die Gaza-strook te verlaat.
In Australië gaan kinders onder 16 nie sosiale media mag gebruik nie, en platforms wat dit nie behoorlik afdwing nie, kan tot $50 miljoen beboet word.
Tsunami-vrese bedaar na 'n reuse-aardbewing in Rusland.
Die VSA het Taiwan se president, Lai Ching-te, verbied om op pad na Sentraal-Amerika in New York te stop, nadat China beswaar teen die besoek by Washington aangeteken het.
VSA en EU voorkom 'n handelsoorlog met 'n ooreenkoms oor die Amerikaners se 15%-heffing.
Inhoud van buite, maar binne ons belangstelling:
“Why Russiagate Is the Scandal That Shouldn’t Go Away” deur Josh Hammer op The Free Press.
“What lay behind the anti-Wilgenhof crusade?” deur Edwin Cameron op Politicsweb.
“China’s Overlooked AI Strategy” deur Owen J. Daniels and Hanna Dohmen op Foreign Affairs.
“BRICS is dead” deur The Political Economist.
“The triumph of the lowbrow Ozzy and Hulk have become mainstream icons” deur Ryan Zickgraf op UnHerd.
“Is Stoicism politically conservative?” deur Massimo Pigliucci op sy Substack, getiteld Figs in Winter: A community of reason.
“Joe Rogan is still hiding” deur Freddie de Boer op sy Substack.
Volg OntLaer Facebook en LinkedIn vir ons jongste artikels, potgooi-gesprekke en redaksiebriewe asook bydraes en insigte van skrywers regoor ons netwerk.
Ons wil graag by jou die leser terugvoer kry.