Voldag Vrydag met OntLaer (21 November 2025)
Volgeprop met vars denke vir jou Vrydag.
DIE WEEK IN (byna) DRIE SINNE:
Daniël vind 'n Lilliput vol inspirasie vir 'n nuwe kiesstelsel, en Jean Oosthuizen reis terug om Hendrik Biebouw se Afrikaner opnuut te leer ken.
Barend Wesseloo kritiseer anti-Joodse tendense onder konserwatiewe kommentators en wil brûe bou tussen Afrikaner en Jood, terwyl Lezli Edgar debuteer by OntLaer met 'n artikel wat juis Afrikanerskap se verhandelbaarheid in bepaald die perslandskap heroorweeg. Hilde Kruger loer ook na handel, maar dan eerder na die mislukking van die moderne advertensiebedryf om ons verbeelding aan te gryp.
Mpiyakhe Dhlamini beskryf die voorwaardes van geweld wat Suid-Afrika dalk te wagte is, en Jurie van der Walt betreur die wêreld se ongeërgdheid oor die menseslagting in Soedan.
Lekker vol. Lekker lees!
INTERNASIONALE STORIES OM VAN KENNIS TE NEEM
Die VSA waarsku dat Suid-Afrika nie na afloop van die komende G20-beraad 'n gesamentlike verklaring namens die G20 moet uitreik nie. Dit kom nadat die VSA gekies het om die beraad nie by te woon nie.
Kinders onder die ouderdom van 16 sal vanaf 10 Desember nie meer toegelaat word om sosiale mediarekeninge in Australië te hê nie, en Meta het vanweek begin om gebruikers oor die komende sluitings in te lig.
Ten minste 60 mense word tans vermis nadat 'n boot in die Kongorivier omgetiep het.
Israel het sy aanvalle op Gaza en die suide van Libanon hierdie week uitgebrei, met sterftesyfers wat reeds op 33 staan.
Die Europese Unie en Oekraïne stem saam dat die Amerikaanse vredesplan, soos voorgestel deur President Donal Trump, “geen vredesplan is nie”.
INHOUD VAN BUITE, MAAR BINNE ONS BELANGSTELLING:
“Boetman is (steeds) die bliksem in: Jan Publiek pak die Afrikaner-elite” deur Frederik van Dyk op Netwerk24
“In die beloofde land sal oligarge nie meer op ons lyding en arbeid teer” deur Johann Rossouw op Netwerk24
“Slopmaxxing” deur Ben Sixsmith op The Zone
“Smart cities will kill freedom” deur Matthew Crawford op UnHerd
“Stop Saying Our BBC” deur Patrick West op The Spectator
“Mashatile se onversigtige skuiwe + Ramaphosa se troefkaart” deur Piet Croucamp op Binne+Land.
“A Manifesto for Liberal Trans Activism” deur Jamie Paul op Persuasion
Volg OntLaer Facebook en LinkedIn vir ons jongste artikels, potgooi-gesprekke en redaksiebriewe asook bydraes en insigte van skrywers regoor ons netwerk.
Ons wil graag by jou terugvoer kry.
Puik opiniestukke oor die algemeen. Ek verstaan selfs waarom opiniestukke uit Media24 gepubliseer moet word, maar daardie "nuusbron" het so ongeloofwaardig en sydig geword, dat ek meestal met walging die soort kommentators volg wat hulle graag van gebruik maak. Ek het nou maar eenmaal 'n kleinjie dood aan die "woke"-ideologie soos dit bewapen geraak het, ook in sekere bevooroordeelde "Afrikaner"/Afrikaanse kringe. Die sydigheid en arroganse/meerderwaardigheid/beterweterigheid stuit my teen die bors. Maar, om weer te herhaal, ek verstaan darem dat daardie stemme ook gehoor moet word, want soos met die hoofstroom media is hulle in elk geval al vir geruime tyd besig om hul geloofwaardigheid te verloor, of het alreeds...